ក្លឹប Wigan Athletic ប្រឈមនឹងការសើុបអង្កេតពីសមាគមបាល់ទាត់អង់គ្លេស ក្រោយអ្នកគាំទ្រខ្លួនស្ទុះទៅវាប្រហារលើ Sergio Aguero របស់ Manchester City ពេលចប់ជំនួប FA Cup នៅរាត្រីថ្ងៃចន្ទ ទី១៩ កុម្ភៈ។
អ្នកគាំទ្រម្នាក់បានរត់សំដៅទៅដាល់ Aguero តែខ្សែប្រយុទ្ធអាហ្សង់ទីនរូបនេះបានរុញចេញ មុនខ្សែការពារ Cheyenne Dunkley, គ្រូ Man City លោក Mikel Arteta និង គ្រូចលនា Steven Lilley ចូលទៅជួយ។ Aguero បានដេញអ្នកគាំទ្ររូបនោះ តែត្រូវបានឃាត់។
ជាមួយគ្នានេះ អ្នកចាត់ការ Man City លោក Pep Guardiola និង អ្នកចាត់ការ Wigan លោក Paul Cook ក៏តឹងសសៃកដាក់គ្នាតាមផ្លូវទៅបន្ទប់ផ្លាស់សម្លៀកបំពាក់ដែរ ក្រោយចប់វគ្គទី១។
គួរដឹងដែរថា Wigan Athletic បានទម្លាក់ Man City ដោយលទ្ធផល១ទល់នឹង០ នៅវគ្គ១៦ក្រុម FA Cup៕
ដោយ៖ តារា
ប្រភព :
