Edinson Cavani និងខ្ញុំគឺជាមិត្តភក្តិបងប្រុសមិត្តរួមក្រុម បានច្រានចោលនូវពាក្យចរចាអារ៉ាមអំពីទំនាក់ទំនងមិនល្អរវាងគាត់និងមិត្តរួមក្លឹប Paris Saint-Germain កីឡាករ Neymar ក្រោយពីអ្នកទាំងពីរបានប៉ះទង្គិចគ្នាកាលពីថ្ងៃសុក្រក្នុងក្រុមជម្រើសជាតិ ។

ខ្សែប្រយុទ្ធអ៊ុយរូហ្គាយរូបនេះបានបង្កើតឲ្យមានពាក្យចរចាអារ៉ាមបន្ទាប់ពីធ្វើរឿងមិនសមរម្យមួយទៅលើប្រធានក្រុមប្រេស៊ីលអំឡុងជំនួបកាលពីសប្តាហ៍មុននៅកីឡដ្ឋាន Emirates ដែលនាំឱ្យមានការចោទអំពីទំនាក់ទំនងរវាងអ្នកទាំងពីរ ។ តារាឆ្នើមរបស់ Paris Saint-Germain កីឡាករ Kylian Mbappe ក៏បានទទូចផងដែរថានឹងមិនមានបញ្ហាអ្វីទេនៅពេលពួកគេធ្វើការរួមគ្នាសាជាថ្មីក្រោយពីការសម្រាកអន្ដរជាតិ ។

Cavani បានប្រាប់ RMC Sport ថា៖ ” អ្វីដែលកើតឡើងនៅលើទីលានគឺជាបាល់ទាត់ ប៉ុន្តែក្រោយមកយើងគឺជាមិត្តភក្តិ បងប្អូន និងមិត្តរួមក្រុម ។​ ប៉ុន្តែក្នុងអំឡុងពេលប្រកួតដែលអ្នកចង់ឈ្នះនោះជារឿងធម្មតា ហើយអ្នកការពារក្រុមរបស់អ្នក ។ ខ្ញុំមិនបានធ្វើអ្វីសោះ ខ្ញុំមិនបានប៉ះគាត់ ខ្ញុំទៅជួបគាត់ហើយប្រាប់គាត់ថាខ្ញុំមិនបានប៉ះពាល់គាត់ទេ តែខ្ញុំបានធ្វើជាមួយគាត់ដូចខ្ញុំធ្លាប់បានធ្វើជាមួយអ្នកផ្សេង ។ មិនចាំបាច់និយាយអំពីវាទេមិនមានអ្វីនោះទេ គ្រាន់តែជាប្រព័ន្ធផ្សព្វផ្សាយតែប៉ុណ្ណោះដែលនិយាយអំពីវា “។

Cavani ក៏ត្រូវបានគេសួរអំពីពានរង្វាន់ Ballon d’Or ផងដែរដែលគាត់មានអារម្មណ៍ថាគួរតែបានទៅលើកីឡាករបារាំងរូបណាម្នាក់បន្ទាប់ពីជ័យជម្នះនៅ World Cup របស់ពួកគេនៅប្រទេសរុស្ស៊ី 2018 ។ Cavani បាននិយាយថា៖ ” កីឡាករបីឬបួននាក់សមនឹងទទួលបានវា ។  Varane អាចជាម្នាក់ក្នុងចំនោមពីរឬបីនាក់  Griezmann … Kylian គាត់បានធ្វើរឿងល្អៗ អស់រយៈពេលពីរឆ្នាំមកហើយ ។ អ្នកត្រូវតែមើលការប្រកួតរបស់ពួកគេទៅវិញទៅមកមិនមែនគ្រាន់តែឈ្មោះនោះទេ ។ មើលឆ្នាំចុងក្រោយៗ អ្វីដែលពួកគេបានធ្វើ ហើយឈ្នះពានរង្វាន់ ក្នុងរដូវកាលដែលពួកគេបានធ្វើ “។

ខ្សែប្រយុទ្ធវ័យ ៣១ ឆ្នាំរូបនេះបន្តថា៖ ” សម្រាប់ខ្ញុំវាគឺជាកីឡាករបារាំងដែលសាកសមទទួលបាន ហើយមានកីឡាករជាច្រើនទៀត ប៉ុន្តែវាត្រូវតែជាកីឡាករបារាំងរូបណាម្នាក់ ។  Modric មានរដូវកាលដ៏អស្ចារ្យ ប៉ុន្តែ Varane បានឈ្នះពានរង្វាន់ក្របខ័ណ្ឌ Champions League  ឈ្នះ World Cup និងមានរដូវកាលដ៏អស្ចារ្យមួយ ហើយ Varane សមនឹងទទួលបានវាបន្ថែមទៀត “៕

ដោយ៖តារា​