មូលហេតុ​នេះ​សោះ​ ទើប​​ Jack Ma ដាក់​ឈ្មោះ​ក្រុមហ៊ុន​​​របស់លោកថា​ Alibaba

15364
  • Alibaba ជា​ឈ្មោះ​ក្រុមហ៊ុន​លក់​ទំនិញ​អនឡាញ​ដ៏​ធំ​មួយ​របស់​ប្រទេស​ចិន​ ដែល​បង្កើត​ដោយ​មហាសេដ្ឋី​ Jack Ma ។ ឈ្មោះ​នេះ​ផ្ទាល់​កើត​ចេញ​ពី​ការ​គិត​​របស់​​ស្ថាបនិក​ក្រុមហ៊ុនរូបនេះ ។

    ផ្អែក​តាម​​បទ​សម្ភាសន៍​​​នៅ​ឆ្នាំ​ ២០០៦ ជា​មួយ​​កម្មវិធី​របស់​ទូរទស្សន៍​ CNN លោក​ Jack Ma អាច​រក​ឈ្មោះ​ដាក់​ឲ្យ​ក្រុមហ៊ុន​របស់​ខ្លួន​ ​នៅ​ហាង​កាហ្វេ​មួយ​នា​ទីក្រុង​ San Francisco ។ ពេល​នោះ​ លោក​បាន​សួរ​​ទៅ​កាន់​អ្នក​រត់​តុ​ ​ដើម្បី​​ចង់​ដឹង​​ថា​ គេ​ធ្លាប់​​ឮ​​អំពី​​ឈ្មោះ​ Alibaba ឬ​អត់ ។

    នៅ​ពេល​នោះ​លោក​ Jack Ma បាន​និយាយ​ទៅ​កាន់​អ្នក​រត់​តុ​ថា ៖ ” តើ​អ្នក​ដឹង​អ្វី​អំពី​ Alibaba?” ។ អ្នក​រត់​តុ​​ឆ្លើយ​ថា​ ៖ ” Open Sesame” ។ លោក​ Jack Ma បន្ត​និយាយ​តែ​ឯង​ថា ៖ ” នេះ​ហើយ​ជា​ឈ្មោះ ” ។ បន្ទាប់​មក​ទៀត​អតីត​គ្រូ​បង្រៀន​ភាសា​អង់គ្លេស​រូប​នេះ​ បាន​បន្ត​​ដើរ​សួរ​អ្នក​នៅ​តាម​ផ្លូវ​ថា ​តើ​ពួក​គេ​ស្គាល់​ឈ្មោះ​ Alibaba ឬ​អត់ ។ មិន​ថា​តែ​ពួក​គេ​មក​ពី​ណាសុទ្ធ​តែ​បាន​ឆ្លើយ​ថា បាន​ស្គាល់​ពី​ឈ្មោះ​នេះ ។ Open Sesame ជា​ពាក្យ​​មន្តអាគម​ដែល​អាច​បើក​មាត់​រូង​ភ្នំ​ ដែល​ជា​កន្លែង​ចោរ​​លាក់​កំណប់ ។ ​

    មហាសេដ្ឋី​ចិន​រូប​នេះ​និយាយ​ថា ​ចូល​ចិត្ត​ឈ្មោះ​ Alibaba ​​ព្រោះ Alibaba (តួអង្គ​ក្នុង​រឿង​ព្រេង) ​ជា​មនុស្ស​ចិត្ត​ល្អ, ជា​អ្នក​ជំនួញ​វៃ​ឆ្លាត និង​ចេះ​ជួយ​ភូមិ​របស់​​ខ្លួន​ទៀត​ផង ។ ដើម​ឡើង​លោក​ Jack Ma ចង់​ដាក់​ឈ្មោះ​ថា​ Ali Mama ដោយ​សារ​តែ​ Baba ជា​ភាសា​ចិន​​មាន​ន័យ​ថា​ឪពុក​ ប៉ុន្តែ​ចុង​ក្រោយសម្រេច​ប្រើ​ Alibaba ជំនួសវិញ ៕​

    ដោយ៖ វី

    ប្រភព :
    USAtoday
    ភ្ជាប់ទំនាក់ទំនងជាមួយ Merl Plus
  • អត្ថបទថ្មី