Hazard និយាយថាគាត់សប្បាយចិត្តនៅ Chelsea បើទោះបីជា Real Madrid ទាក់ទងមក

5150

ខ្សែ​ប្រយុទ្ធ Eden Hazard របស់ Chelsea បាន​បញ្ចប់​នូវ​ពាក្យ​ចចាម​អារ៉ាម​ដែល​ថា​គាត់អាច​នឹង​ត្រូវ​ផ្ទេរ​ទៅ Real Madrid, Manchester City ឬ Paris Saint-Germain ។
កីឡាករ​របស់​ប៊ែលហ្សិក​ម្ចាស់អាវលេខ ១០ រូប​នេះ​បាន​យ៉ាង​ល្អ​នៅ​រដូវកាល​នេះ​ដោយ​ស៊ុតបញ្ចូល​ទី​បាន ១១ គ្រាប់​សម្រាប់​ក្រុម​តោខៀវ​ក្នុង​ការ​បង្ហាញ​ខ្លួន​នៅ​ក្របខណ្ឌ Premier League ចំនួន ២៣ លើក ហើយ​ត្រូវ​បាន​គេ​សង្ស័យ​ថា រូប​គាត់​អាច​នឹង​ត្រូវ​ផ្ទេរ​ទៅ Real និង PSG ដែល​ជា​គូ​ប្រជែង​នៅ Champions League របស់​ពួក​គេ​ផង​ដែរ​។

Image result for Eden Hazard

Hazard បាន​និយាយ​នៅ​ក្នុង​កម្មវិធី Telefoot ថា៖ «នៅក្នុង​វិស័យ​បាល់​ទាត់ អ្វីៗ​អាច​កើតឡើង​បាន​ទាំង​អស់​។ ប៉ុន្តែ វា​ក៏​អាច​គ្មាន​អ្វី​កើតឡើង​នៅ​ក្នុង​វិស័យ​បាល់​ទាត់​បាន​ដែរ»។
«ជា​រៀងរាល់​ឆ្នាំ ពួកគេ​តែង​តែ​ផ្សារ​ភ្ជាប់​រូប​ខ្ញុំ​ជាមួយ Real ឬ PSG ។ ហើយ​នៅពេល​ដែល​ខ្ញុំចង់​ប្តូរ​ក្លឹប ខ្ញុំ​នឹង​ប្តូរ​។ ប៉ុន្តែ​នៅ​ពេល​នេះ ខ្ញុំ​សប្បាយ​ចិត្ត​នឹង​លេង​នៅ​ទី​នេះ​»។
«ខ្ញុំនៅ​ជាប់​កុងត្រា​ពីរ​ឆ្នាំ​ទៀត​។ ខ្ញុំ​មាន​អារម្មណ៍​ល្អ​ណាស់​ក្នុង​ការ​លេង​នៅ​ទីនេះ​។ អ្នក​គាំទ្រ​ស្រឡាញ់​ខ្ញុំ គ្រួសារ​ខ្ញុំ​រីករាយ​នឹង​ការ​រស់​នៅ​ទី​នេះ។ ប៉ុន្តែ យើង​នឹង​ចាំ​មើល​បន្ត​ទៀត​»។
«វាបាន​កើត​ឡើង​ជា​ច្រើន​ឆ្នាំ​មក​ហើយ ដែល​ពួកគេ​និយាយ​អំពី​រឿង​នេះ​។ ហើយ​បើ​មិនភ្ជាប់​ខ្ញុំ​ជាមួយ Real ទេ គឺ Paris ហើយ​បើ​មិន​មែន Paris ទេ គឺ Real ។ ប៉ុន្តែ​ខ្ញុំ​សប្បាយ​ចិត្តនឹង​លេង​នៅ​ទី​នេះ​»។

Image result for Eden Hazard

Hazard ក៏ត្រូវ​បាន​គេ​សង្ស័យ​ថា​អាច​នឹង​ផ្ទេរ​ទៅ Manchester City ផង​ដែរ ហើយ​កាល​ពីពេល​ថ្មីៗ​នេះ កាសែត Daily Star បាន​បង្ហើប​ថា Hazard អាច​នឹង​ត្រូវ​ផ្ទេរ​ទៅ City ជា​ថ្នូរ​នឹងខ្សែ​ប្រយុទ្ធ Sergio Aguero ខណៈពេល​ដែល​មាន​របាយការណ៍​ផ្សេង​ទៀត​បាន​និយាយ​ថា ការ​ដោះ​ដូរ​រូបគាត់​ជា​មួយ Gareth Bale របស់ Real មាន​លក្ខណៈ​ប្រសើរ​ជាង​។

ដោយ៖ តារា

ប្រភព :
ភ្ជាប់ទំនាក់ទំនងជាមួយ Merl Plus
  • អត្ថបទថ្មី