លោក Jurgen Klopp អ្នកចាត់ការទូទៅរបស់ Liverpool បានគាំទ្រកីឡាករ Roberto Firmino ដែលមានតម្លៃមិនគួរឱ្យជឿបន្ទាប់ពីកីឡាកររូបនេះបានស៊ុតបញ្ចូលទីមួយគ្រាប់ទៅលើក្លឹប Watford ។
Roberto Firmino បានស៊ុតបញ្ចូលទីចំនួន ៥ គ្រាប់ ក្នុងការបង្ហាញខ្លួនបានចំនួន ១៣ ប្រកួតក្នុងក្របខ័ណ្ឌ Premier League និងស៊ុតបញ្ចូលទីបានចំនួន ២ ក្នុងការបង្ហាញចំនួន ៤ លើក នៅរដូវកាល ២០៨/២០១៩ នេះ ។
លោក Jurgen Klopp អ្នកចាត់ការទូទៅរបស់ Liverpool មានប្រសាសន៍ថា៖ ” វាអាស្រ័យលើអ្វីដែលអ្នកចង់ឃើញអ្វីដែលអ្នករំពឹងទុក និងអ្វីដែលអ្នកប្រៀបធៀប ។ នៅក្នុងការប្រកួតជាមួយក្រុម Fulham គ្រូបង្វឹកអាល្លឺម៉ង់ចំនួន ២០ នាក់ស្ថិតនៅក្នុងពហុកីឡាដ្ឋាន ហើយខ្ញុំមិនប្រាកដថាតើអ្នករិះគន់ទាំងនោះបានធ្វើអ្វីនោះទេ ប៉ុន្តែនៅពេលដែលខ្ញុំបានឃើញពួកគេហើយយើងបានផឹកទឹកជាមួយពួកគេពួកគេនិយាយថា Bobby Firmino! ។ គាត់កំពុងធ្វើការងារដែលធ្វើឱ្យគាត់មានតម្លៃមិនគួរឱ្យជឿសម្រាប់ខ្ញុំ ។ ដូច្នេះខ្ញុំពិតជារីករាយណាស់សម្រាប់គាត់ ។ វាគ្រាន់តែជាអ្វីដែលយើងត្រូវធ្វើក្នុងពេលដ៏ត្រឹមត្រូវតែប៉ុណ្ណោះ យើងត្រូវតែស្វែងរកប្រព័ន្ធដែលយើងអាចនាំមកនូវគុណភាពរបស់យើងនៅលើទីលាន ហើយនៅថ្ងៃសៅរ៍យើងបានធ្វើវា “។
Mohamed Salah និង Trent Alexander-Arnold ក៏បានស៊ុតបញ្ចូលទីលើ Watford ម្នាក់មួយគ្រាប់ផងដែរ ខណៈដែលក្រុម Liverpool នៅតែមិនទាន់ស្គាល់ពាក្យចាញ់នៅឡើយក្នុងក្របខ័ណ្ឌ Premier League ដោយចាញ់តែចំនួន ២ ពិន្ទុប៉ុណ្ណោះពីក្លឹបមេឃខៀវ Manchester City ដែលកំពុងឈរនៅកំពូលតារាង ៕
ដោយ៖តារា
