ផ្ទះថ្មីរបស់ Philippe Coutinho នៅទីក្រុងបាសេឡូណា ត្រូវចោរចូលលួចនៅយប់ថ្ងៃអង្គារ ខណៈក្រុមគ្រួសាររបស់គេចេញក្រៅទទួលទានអាហារពេលល្ងាច។
ប្រភពព័ត៌មានពី Diario Sport បានផ្សាយថាខ្សែបម្រើសញ្ជាតិប្រេស៊ីល និងគ្រួសារបានត្រឡប់មកផ្ទះវិញនៅម៉ោង១:៣០នាទីរំលងអាធ្រាត្រ ហើយបានឃើញភាពមិនប្រក្រតីក៏រាយការណ៍ទៅសមត្ថកិច្ចភ្លាមៗ។ ប៉ូលិសសង្ស័យថាក្រុមចោរបានចូលក្នុងតាមសំណង់ដែលធ្វើមិនទាន់ហើយនៅបរិវេណផ្ទះថ្មីរបស់គេ។
គួររម្លឹកថាផ្ទះ Coutinho ត្រូវបានណែនាំទិញដោយមិត្តរួមក្រុម Luis Suárez ក្រោយពេលផ្ទេរពី Liverpool កាលពីខែមករា។ តារាឆ្នើមវ័យ២៦ឆ្នាំមិនបានហោះទៅទីក្រុងឡុងទេដោយសារមិនអាចលេង Champions League ជាមួយ Barca ព្រោះធ្លាប់បង្ហាញខ្លួនជាមួយក្រុមចាស់រួចហើយ។ មិនទាន់មានព័ត៌មានបញ្ជាក់ពីការបាត់បង់អ្វីខ្លះពីករណីចោរកម្មនេះឡើយ៕
ដោយ៖ តារា
