Diego Costa ថា អាជ្ញា​កណ្តាល​រង់​ចាំ​តែ​ឱកាស​ពិន័យ​កាត​លើខ្លួនទេ

5594

ខ្សែ​ប្រយុទ្ធ Diego Costa របស់ Atletico Madrid បាន​និយាយ​ថា គាត់​ត្រូវ​បាន​អាជ្ញា​កណ្តាល​គុំ​មុខ តាម​រយៈ​ការ​កាត់​សេចក្តី​ដោយ​អយុត្តិធម៌​បន្ទាប់​ពី​គាត់​ទទួល​បាន​កាត​លឿង​នៅពេល​ប្រកួត​ជាមួយ Athletic Bilbao កាល​ពី​ថ្ងៃ​អាទិត្យ​នេះ​។

Image result for diego costa atletico madrid 2018

កីឡាករ​ជម្រើស​ជាតិ​អេស្ប៉ាញ​ដែល​មាន​ដើម​កំណើត​នៅ​ប្រទេស​ប្រេស៊ីល​រូប​នេះ ទទួល​បាន​កាត​លឿង​មួយ​ដោយ​សារ​តែ​បាន​បញ្ចេញ​កាយ​វិការ​មិន​សមរម្យ​ដាក់​អាជ្ញាកណ្តាល បន្ទាប់​ពី​ត្រូវ​បាន​អាជ្ញា​កណ្តាល​ផ្លុំ​កញ្ចែពិន័យបាល់​ក្រៅ​ល្បែង។

Related image

Costa ហាក់មិន​ពេញចិត្ត​ចំពោះការឱ្យ​កាត​លឿង​នេះ​ឡើយ ដោយ​លើក​ឡើង​ថា៖ «អាជ្ញា​កណ្តាល​ទាំង​នោះ​ស្អប់​ខ្ញុំ ហើយ​គ្មាន​អ្វីដែល​ខ្ញុំ​អាច​ធ្វើបាន​ដើម្បី​ដោះស្រាយ​បញ្ហា​នេះ​ឡើយ​»។
«ពួកគេ​មួយ​ចំនួន​ពិន័យ​កាត​លើខ្ញុំ​ដោយសារ​តែ​កំហុស​តូច​តាច​បំផុត ហើយ​មិន​ថា​កំហុសនោះ​ជា​អ្វី​ឡើយ ( ពេល​ប៉ះ​ជាមួយ Bilbao) អាជ្ញា​កណ្តាល​រង់​ចាំ​តែ​ឱកាស​ពិន័យ​កាត​លើ​ខ្ញុំទេ​»។
«អ្នក​អាច​ត្រឡប់​ទៅមើល​ការ​ចាក់ផ្សាយ​ឡើង​វិញ​ដើម្បី​ធ្វើការ​វិភាគ​បាន ប៉ុន្តែ​ខ្ញុំ​មិន​បាន​ស​ម្តែង​កាយ​វិការ​មិន​សមរម្យ​នោះ​ទេ ហើយ​ខ្ញុំ​មិន​សម​នឹង​ទទួល​បាន​កាត​ឡើយ​។ ប៉ុន្តែ​វា​គ្មានអ្វី​ដែល​ខ្ញុំ​អាច​ធ្វើ​បាន​នៅ​ពេល​នេះ​ទេ​»។

ដោយ៖ តារា

 

ភ្ជាប់ទំនាក់ទំនងជាមួយ Merl Plus
  • អត្ថបទថ្មី