NOCC​ គ្រោងចំណាយ ៦០ម៉ឺនដុលារដើម្បីរៀបចំពិធីបើកនិងបិទព្រឹត្តិការណ៍​កីឡា​ជាតិ​លើក​ទី​២

12069
  • គណៈកម្មាធិការ​ជាតិ​អូឡាំពិក​កម្ពុជា (NOCC) គ្រោង​ចំណាយ​ថវិកា​រហូត​ដល់​ ​៦០ ម៉ឺន​​ដុល្លារ​អាមេរិក​ ដើម្បីរៀបចំពិធី​​បើក​​ និង បិទ​ព្រឹត្តិការណ៍​កីឡា​ជាតិ​លើក​ទី​២​ ឆ្នាំ​ ​២០១៨​ ដែលនឹងចាប់​ពី​ថ្ងៃ​ទី​ ​២៥ ឧសភា ​ដល់​ ​ទី​ ៥ មិថុនា​ ខាង​មុខ។ ​ថវិកា​នេះ​​ជាតួរលេខដ៏ខ្ពស់មួយ ធៀបនឹងឆ្នាំ២០១៦ដែលចំណាយ​ត្រឹម​ ​៤០ ​ម៉ឺន​ដុល្លារ​​​​អាមេរិក។​ ​

    Image result for ​ព្រឹត្តិការណ៍​កីឡា​ជាតិ​លើក​ទី​២​

    ព្រឹត្តិការណ៍​កីឡា​ជាតិ​នេះ​ជា​យាន​ឆ្ពោះ​ទៅ​រៀប​​កីឡារ​ស៊ីហ្គេម​ឆ្នាំ​ ២០២៣​ ពេលកម្ពុជា​ធ្វើ​ជា​ម្ចាស់​ផ្ទះ​លើក​ដំបូង​ ​ដែល​​មាន​ ​​២៧ វិញ្ញាសា​រ ចែកជា ២៨២​ ព្រឹត្តិការណ៍​​ប្រកួត។

    Related image

    ឯកឧត្ដម​ វ៉ាត់ ចំរើន ​អគ្គលេខាធិការ​​គណៈកម្មាធិការ​ជាតិ​អូឡាំពិក​កម្ពុជា​មាន​ប្រសាសន៍​ថា​ ពិធី​បើក​នៅ​ថ្ងៃ​ទី​ ២៥ ឧសភា ​​ធ្វើ​ឡើង​នៅ​​ពហុកីឡដ្ឋាន​ជាតិ ​ដែល​​រឹត​តែ​ប្លែក​ជាង​មុន​ខ្លាំង​ដូច​ជា​ប្រើ​បច្ចេកវិទ្យា​ទំនើប​បាញ់​ភ្លើង​ពណ៌​ និង​ ​ការ​បាញ់​កាំជ្រួច​​ជា​ដើម។ ​ការ​ចំណាយ​ច្រើន​​នេះ ព្រោះ​មាន​​​ការ​បង្ហាញ​ពី​បច្ចេកវិទ្យា​ទំនើប​ ​សម្ដែង​ផែន​បែប​វប្បធម៌​ ​ផែន​កីឡាករ​ជា​ក្រុម​ ដូច​​ តេ្វក្វាន់ដូ ​ល្បុក្កតោ ​ការ​សម្ដែង​របស់​ យុវជន​ ស.ស.យ.ក​ និង​ ​កីឡាករ​មក​ពី​សាលា​កីឡា​ជាតិ។ ​ផែន​នៃ​​អ្នក​ចូល​រួម​សម្ដែង​​ ​ប្រហែល​ជា​ជា ៥ ពាន់​នាក់។

    Image result for ​ព្រឹត្តិការណ៍​កីឡា​ជាតិ​លើក​ទី​២​

    ពិសេសជាងនេះទៀត ព្រះ​ករុណា ព្រះបាទ​សម្ដេច ​ព្រះបរមនាថ នរោត្ដម សីហមុនី ​នឹងប្រោស​ប្រទានភ្លើង​អាទិទេព ​ពី​ព្រះ​បរម​រាជវាំង​​ បន្ត​រហូត​ដល់​ពហុកីឡដ្ឋាន​ជាតិ​ ជា​ទី​ដែល​ ​សម្ដេច​ តេជោ​ ហ៊ុន សែន ​នាយក​រដ្ឋ​មន្ត្រី​នៃ​ព្រះរាជា​ណា​ចក្រ​កម្ពុជា​ ​​​​ប្រើ​ឧបករណ៍​ដោយ​ចុច​ប៊ូតុង​ពី​ចម្ងាយ​​​អុជ​ភ្លើង​ដើម្បី​ចាប់​ផ្ដើម​ការ​ប្រកួត​ជា​ផ្លូវ​ការ។ ​

    ដោយ៖ តារា

    ភ្ជាប់ទំនាក់ទំនងជាមួយ Merl Plus
  • អត្ថបទថ្មី