ក្រោយពីបានត្រឹមស្មើ ១-១ នៅក្នុងការប្រកួតជើងទី១ កាលពីថ្ងៃអង្គារនេះ នៅ Stamford Bridge ខ្សែបម្រើរបស់ក្លិប Barcelona គឺកីឡាករចាស់វស្សា Andres Iniesta បាននិយាយថាក្រុមគេនឹងកម្ចាត់ Chelsea នៅ Camp Nou នៅជើងទីពីរនេះ ។ Lionel Messi បានស៊ុតគ្រប់បាល់ទី ១ ដែលជាគ្រាប់ដំបូងរបស់ខ្លួន ពេលប្រកួតទល់នឹងក្រុមតោខៀវ ដែលជួយឲ្យ Barca ទទួលបានបាល់ចំណេញក្រៅផ្ទះ ក្នុងការប្រកួតកាលពីថ្ងៃអង្គារម្សិលម៉ិញនេះ។
ការពិតទៅ Messi មិនដែលស៊ុតបានសូម្បីមួយគ្រាប់ក្នុងជំនួបទល់នឹងក្រុមតោខៀវនេះ ៨ ប្រកួតមុនៗ តែលើកនេះ គេបានប្រែក្លាយបាល់របស់ Andreas Christensen របស់ក្រុមតោខៀវដែលទាត់ចេញពីក្នុងប្រអប់មិនត្រូវគោលដៅ បែរជាទៅរក Iniesta ដែលក្រោយមកក៏បានបោះមកឲ្យ Messi ដែលមិនបានធ្វើឲ្យបាត់តឱកាសឡើយ ហើយក៏ជាគ្រាប់បាល់ចំណេញសម្រាប់ Barca ដែរ។
ការពិតក្រុមតោខៀវទេដែលជាអ្នករកបានគ្រាប់បាល់មុន ដែលធ្វើបានដោយកីឡាករ Willian នៅនាទី ៦២។
Iniesta ប្រាប់ TV3 ថា “នេះជាការប្រកួតដែលមានគ្រប់រស់ជតិ វាជាការប្រកួត Champions League ដ៏ពិសេស”។
“វាជាការប្រកួតដ៏ស្វិតស្វាញ់តទល់គ្នារវាងក្រុមខ្លាំងទាំងពីរ។ យើងដឹងថាវានឹងពិបាកមិនខាន”។
“ខ្ញុំជឿថាពេលលេងនៅផ្ទះគឺខុសគ្នាពីការលេងក្រៅផ្ទះ។ យើងនឹងលេងនៅពីមុខអ្នកគាំទ្ររបស់យើង ហើយយើងស្គាល់ទីលានយើងច្បាស់ជាង”។
“យ៉ាងណាក្តី យើងដឹងហើយថាវានឹងស្មុកស្មាញសម្រាប់ពួកយើងព្រោះថាពួកគេមកដើម្បីប្រកួតជាមួយយើង ហើយពួកគេគឺជាក្រុមដ៏ល្អបំផុតមួយនៅអឺរ៉ុប គឺគេមានកីឡាករល្អៗ ហើយនេះជាការប្រកួត Champions League ទៀតផង។”
ដោយ៖ តារា
