Hazard ជឿជាក់​ថា Chelsea នៅតែអាចបំបាក់ Barce បាន នៅជើងទីពីរនេះ

8887
  • តារា​ប្រយុទ្ធ​ឆ្នើម Chelsea កីឡាករ Eden Hazard ជឿ​ថា ក្លឹប​នៅ Premier League មួយនេះ​មាន​សមត្ថភាព​គ្រប់គ្រាន់​ក្នុងការ​ផ្តួល Barcelona នៅ Camp Nou ក្នុង​ការ​ប្រកួត​ជើងទីពីរ​នៃ​ក្រប​ខណ្ឌ UEFA Champions League របស់​ពួក​គេ​។

    Image result for eden hazard vs barcelona 2018

    ក្រុម​តោខៀវ​បាន​នាំ​មុខ​មុន ១-០ នៅ​លើ​ទឹកដី Stamford Bridge ក្នុង​ការ​ប្រកួត​ជើង​ទី​មួយ ក្នុង​វគ្គ ១៦ ក្រុម​ចុង​ក្រោយ​របស់​ពួកគេ​ជា​មួយ Catalans (Barca) កាល​ពី​ថ្ងៃ​អង្គារ​នេះ ក្រោយ​ពី Willian ស៊ុត​បញ្ចូល​ទី​បាន​មួយ​គ្រាប់​នៅ​នាទី ៦២ ប៉ុន្តែ​ក្រោយ​មក Lionel Messi រកបាន​មួយ​គ្រាប់​តាម​ស្មើ ដែល​ជួយ​ឲ្យ Barca អាច​គ្រប់គ្រង​ស្ថានការណ៍​បាន​វិញ​ក្នុង​លទ្ធល ១-១។

    Image result for eden hazard vs barcelona 2018

    ទោះបីជាយ៉ាងណាក៏ដោយ Hazard មានជំនឿចិត្តក្នុងការបំបាក់ Barcelona នៅពេលទឹកដីរបស់គេ នៅពេលដែលក្រុមទាំងពីរជួបគ្នាម្តងទៀតនៅថ្ងៃទី ១៤ ខែមីនាខាងមុខនេះ។ កីឡាករសញ្ជាតិបែលហ្ស៊ិករូបនេះបានប្រាប់អ្នកសារព័ត៌មានថា៖ «យ៉ាងហោចណាស់ យើងនឹងមិនចាំបាច់គិតអំពីរបៀបលេងក្នុងទម្រង់ការពារនៅជើងទីពីរទេ ព្រោះនៅទីនោះប្រសិនបើយើងគិតតែលេងការពារ នោះយើងនឹងមានគ្រោះថ្នាក់ខ្លាំងជាមិនខាន»។

    Image result for eden hazard vs barcelona 2018

    «យើងនឹងទៅទីនោះដើម្បីយកឈ្នះ ព្រោះយើងត្រូវតែស៊ុតបញ្ចូលទីឲ្យបាន ហើយយើងនឹងព្យាយាមលេងឲ្យបានល្អដូចដែលយើងបានធ្វើនៅជើងទីមួយដែរ ទោះបីជាយើងមានកំហុសតិចតួចក៏ដោយ។ នោះហើយជាអ្វីដែលធ្វើឲ្យមានភាពខុសគ្នា ដោយសារតែអ្នកត្រូវប៉ះជាមួយ Barcelona»។

    Image result for eden hazard vs barcelona 2018

    «ជាមួយក្រុមផ្សេងទៀត ប្រហែលជាអ្នកយករួចខ្លួនដោយមិនឲ្យគេស៊ុតបញ្ចូលទីបាន។ យើងលេងបានយ៉ាងល្អ។ យើងមានផែនការក្នុងការការពារបានយ៉ាងរឹងមាំ ប្រហែលជាយើងគួរតែលេងឲ្យបានប្រសើរជាងនេះទៀត នៅពេលដែលយើងគ្រប់គ្រងបាល់។ វាមិនទាន់ចប់នៅឡើយទេ។ យើងនៅតែមានសង្ឃឹម។ ជ័យជម្នះនៅតែអាចទទួលបាន»។

    ដោយ៖ តារា

    ប្រភព :
    foxsportsasia
    ភ្ជាប់ទំនាក់ទំនងជាមួយ Merl Plus
  • អត្ថបទថ្មី