ពានរង្វាន់លីគកំពូលម៉ាឡេសុី នឹងបន្តការប្រកួតនៅក្នុងសប្តាហ៍ទី៤ របស់ខ្លួនវិញដោយក្លិប Negeri Sembilan FC របស់កីឡាករ ប្រាក់ មុន្នីឧត្តម ត្រូវបើកទ្វារស្វារគមន៍ក្លិប Terengganu FC របស់កីឡាករ ធារី ចន្ថាបុីន នាវេលាម៉ោង ០៨:០០ នាទីយប់នេះ ដែលការប្រកួតត្រូវធ្វើឡើងនៅលើទីលាននៃកីឡាដ្ឋាន Tuanku Abdul Rahman ទឹកដីរបស់ក្រុមNegeri Sembilan។
ដោយកាលពីសប្តាហ៍ទី៣ កន្លងទៅ ប្រាក់ មុន្នីឧត្តម និង ធារី ចន្ថាបុីន សុទ្ធតែបានបង្ហាញខ្លួនឲ្យក្រុមរបស់ខ្លួនរៀងៗខ្លួន ខណៈលទ្ធផលកាលពីសប្តាហ៍នោះគឺ Negeri Sembilan បានរងបរាជ័យពីសំណាក់ក្រុមម្ចាស់ផ្ទះ Melaka United ក្នុងលទ្ធផល ០ ទល់ ៣ ស្របពេលដែល Terengganu FC បានយកឈ្នះក្រុមភ្ញៀវ Selangor ដោយលទ្ធផល ៤ ទល់ ១ ។
ចាំមើលថាកីឡាករ ប្រាក់ មុន្នីឧត្តម ឬ កីឡាករ ធារី ចន្ថាប៊ីន ដែលអាចជួយក្រុមយកឈ្នះបាននៅក្នុងយប់នេះ !
ដោយ៖ តារា
