McGregor ចង់ឡើងសង្វៀន UFC វិញ

11514

Conor McGregor បាន​បដិសេធចំពោះ​ការលើកឡើងថា​រូបគាត់អាចនឹងចូលនិវត្តន៍ ដោយ​គាត់​បាន​ប្រកាស​ថា​គាត់​ចង់​ត្រឡប់​មក​កាន់​ UFC វិញ ហើយ​ថែម​ទាំង​បាន​និយាយ​ថា​គាត់​ស្ម័គ្រចិត្ត​ប្រកួត​ក្នុងព្រឹត្តិការណ៍ UFC 222 ។ McGregor មិនទាន់បាន​ចូល​ក្នុងសង្វៀនអដ្ឋកោន​ចាប់តាំងពីខែ វិច្ឆិកា ២០១៦ មកម្ល៉េះ​បន្ទាប់ពីគាត់ប្រកួត​លើកចុងក្រោយលើ​សង្វៀន​ប្រដាល់​សកលជាមួយ Floyd Mayweather ។

រឿងនេះ​បាន​ជំរុញ​ឲ្យមានពាក្យចចាអារ៉ាម រួមទាំងមានការលេចឮពីសំណាក់លោក Dana White ដែលជាប្រធាន UFC ផងដែរ ដោយ​លោក​បាន​និយាយថា មូលហេុតអាចមកពីកីឡាករប្រដាល់វ័យ ២៩ ឆ្នាំរូបនេះចូលរូួមប្រកួតឡូកឡំជាមួយសិល្បៈក្បាច់គុណ​ច្រើនពេក។ ប៉ុន្តែចុងបញ្ចប់ McGregor បាន​ចេញ​មក​បញ្ជាក់​ឲ្យច្បាស់អំពីបញ្ហា​នៅលើបណ្តាញសង្គម​ ក្រោយ​ពីគាត់​បញ្ជាក់​ថាគាត់​ព្រមធ្វើការ​ប្រកួត​ជា​មួយ Frankie Edgar ក្នុងព្រឹត្តិការណ៍ UFC 222 នៅខែក្រោយ បន្ទាប់ពី​គូប្រកួតរបស់ខ្លួន Max Holloway ដែលបាន​កំណត់ពេលនោះ ទទួលរងរបួសមិនអាចប្រកួតបាន។

Image result for Frankie Edgar

McGregor បាន​សរសេរ​នៅលើ Instagram ថា «ខ្ញុំ​នឹង​ចូល​មក​ប្រកួត​ម្តងទៀតវិញហើយ។ ក្នុងបច្ចុប្បន្ននេះគឺមានតែខ្ញុំប៉ុណ្ណោះ​ដែល​ល្អ​ដាច់​គេ។»
«ខ្ញុំមិនបញ្ឈប់ការព្យាយាមឡើងប្រកួត​ទេបើទោះបីជា Max Holloway ត្រូវ​បាន​ដកចេញ​ពីការប្រកួតក៏ដោយ ប៉ុន្តែ​ខ្ញុំ​ត្រូវ​បាន​ប្រាប់​ថា​មិន​មាន​ពេលវេលា​គ្រប់គ្រាន់​ដើម្បី​រក​ប្រាក់​ឲ្យ​គ្រប់តាម​ការតម្រូវរបស់​ UFC ។
«ខ្ញុំមានក្តី​រំភើប​ជាខ្លាំង​ចំពោះ​ការវាយរហូតដល់ទឹកចុងក្រោយ និងការឡើងទៅវគ្គផ្តាច់ព្រ័ត្រ​នៃខ្សែក្រវ៉ាត់ទម្ងន់ស្រាល។
«ខ្ញុំ​គោរពចំពោះកិច្ចខិតខំប្រឹងប្រែង​លើកិច្ចការទាំងឡាយដែលខ្ញុំបានបំពេញនៅខាងក្រៅការប្រកួត​។ ខ្ញុំ​នៅទីនេះ ដូច្នេះ​ពួកគេ​ជា​អ្នក​សម្រេច​ថា​ចង់​មកប្រកួត​ដណ្តើមជើងខ្លាំង​ជាមួយខ្ញុំឬអត់។»

ដោយ៖ តារា

ប្រភព :
foxsportsasia
ភ្ជាប់ទំនាក់ទំនងជាមួយ Merl Plus
  • អត្ថបទថ្មី