Wenger ចង់ឱ្យកីឡាករ Wilshere ចុះកុងត្រាថ្មីឱ្យបានឆាប់

6075

គ្រូ​បង្វឹក​ចាស់​វស្សា​របស់ Arsenal លោក Arsene Wenger កំពុង​រហន់​ចង់​ឲ្យ​ខ្សែ​បម្រើ Jack Wilshere ចុះ​កុងត្រា​ថ្មី​ឲ្យ​បាន​ឆាប់ បន្ទាប់ពី​ការ​ចរចា​បាន​អូស​បន្លាយ​ពេល​ជា​យូរ​មក​។ កីឡាករ​វ័យ ២៦ ឆ្នាំ​រូបនេះ​ត្រូវ​បាន​ញាំញី​ដោយ​សារ​របួស​ក្នុង​រយៈពេល​ប៉ុន្មាន​ឆ្នាំ​ចុងក្រោយ​នេះ ប៉ុន្តែ​គាត់​ហាក់​ដូចជា​លេង​បាន​ល្អ​ដូច​ដើម​ឡើង​វិញ​ហើយ​នៅ​រដូវកាល​នេះ​។

Image result for Arsene Wenger

Wilshere បាន​វិល​ត្រឡប់​មក​ជួយ​ក្រុម​កាំភ្លើង​ធំ​វិញ​នៅ​ពាក់​កណ្តាល​យុទ្ធនាការ​នៃ​ការប្រកួត​បច្ចុប្បន្ន​នេះ ហើយ​បាន​បង្ហាញ​ខ្លួន​ក្នុង​នាម​ជា​កីឡាករ​ជម្រើស ១១ នាក់​ដំបូង​ជាទៀង​ទាត់​ចាប់​តាំងពី​ពាក់​កណ្តាល​ខែ​ធ្នូ​មក​ម្ល៉េះ ដោយ​ចូល​រួម​ក្នុង​ការ​ប្រកួត​ចំនួន ៩ លើកក្នុង​ចំណោម​ការ​ប្រកួត​ទាំង ១១ លើក​នៅ​ក្រប​ខណ្ឌ Premier League ។

Image result for Jack Wilshere

ប៉ុន្តែ កុង​ត្រា​បច្ចុប្បន្ន​របស់​កីឡាករ​សញ្ជាតិ​អង់គ្លេស​រូបនេះ​នឹង​ត្រូវ​ចប់​នៅ​ចុង​រដូវកាល​នេះ ខណៈ​ពេល​ដែល Wenger កំពុង​តែ​សង្ឃឹម​ថា​នឹង​អាច​ឈាន​ដល់​កិច្ច​ព្រមព្រៀង​បន្ត​កុង​ត្រាថ្មី​ជា​មួយ Wilshere ក្នុង​ពេល​ឆាប់ៗ​នេះ​។ យោង​តាម Goal លោកWenger បាន​និយាយ​ថា៖ «ការ​សម្រេច​ចិត្ត​នេះ មិន​អាស្រ័យ​លើ​ខ្ញុំតែ​ឯង​ទេ»។

Related image

«សម្រាប់​ខ្ញុំ ខ្ញុំ​ចង់​ឲ្យ​គាត់​ចុះ​កុងត្រា​ថ្មី​ក្នុង​ពេល​ឆាប់ៗ​នេះ​ណាស់​»។
«យើង​នឹង​នៅតែ​ធ្វើ​ការ​សម្រេច​ចិត្ត​ដដែល ហើយ​នឹង​ស្វែង​រក​កីឡាករ​ថ្មី​ពី​ក្លឹប​ផ្សេង​។ ប៉ុន្តែ ខ្ញុំ​រីករាយ​នឹង​ផ្តល់​ឱកាស​នេះ​ដល់​គាត់​»។

ដោយ៖ តារា

ប្រភព :
foxsportsasia
ភ្ជាប់ទំនាក់ទំនងជាមួយ Merl Plus
  • អត្ថបទថ្មី