Neymar អាចនឹងអវត្តមានពេល PSG ប៉ះ Real

12254
  • ខ្សែ​ប្រយុទ្ធ​សញ្ជាតិ​ប្រេស៊ីល Neymar អាច​ប្រឈម​នឹង​ការ​សម្រាក​ព្យាបាល​របួស​រយៈពេល​វែង បន្ទាប់​ពី​គាត់​ត្រូវ​ទទួល​រងការ​ប៉ះ​ទង្គិច​រហូត​ដល់​ស្រក់​ទឹក​ភ្នែក នៅ​អំឡុង​ការប្រកួត​របស់ PSG នៅ Ligue 1 ជា​មួយ Marseille ដោយ​ទទួល​ជ័យ​ជម្នះ​ក្នុង​លទ្ធផល ៣-០កាល​ពី​ថ្ងៃ​អាទិត្យ​នេះ​។

    Image result for Neymar 25/2/2018

    Marseille និង PSG បាន​បញ្ឈប់​ការ​ប្រកួត​មួយ​រយៈ​ខ្លី ក្រោយ​ពី​ខ្សែប្រយុទ្ធ​រូបនេះ​ត្រូវ​បានគេ​សែង​ចេញ​ពី​ទីលាន​នៅ​ចុង​តង់​ទី​ពីរ បន្ទាប់​ពី​មាន​ការ​ប៉ះ​ទង្គិច​ត្រង់​កជើង​យ៉ាង​ធ្ងន់​ធ្ងរ​។ កជើង​របស់​កីឡាករ​ប្រេស៊ីល​បាន​ក្រឡាច់ ខណៈ​ពេល​ដែល​រូបគាត់​រត់​ទៅ​ដណ្តើម​បាល់ មុន​ពេល​ដួល​ទាំង​ការ​ឈឺ​ចាប់។ ការ​រង​របួស​នេះ​បាន​កើត​ឡើង​ចំ​ពេល​សំខាន់​នៃ​ការ​ដណ្តើម​ជើង​ឯក​នៅ​បារាំង ហើយ​ប្រសិន​បើវា​មាន​សភាព​ធ្ងន់​ធ្ងរ នោះ​វា​អាច​នឹង​ធ្វើ​ឲ្យ​ក្តី​សង្ឃឹម​ក្នុង​ការ​ប្រកួត World Cup របស់​ប្រេស៊ីល​បាត់​បង់​។

    Image result for Neymar 25/2/2018

    PSG ត្រូវ​ជួប Real Madrid ក្នុង​ការ​ប្រកួត​ជើង​ទីពីរ​នៅ​ក្រប​ខណ្ឌ Champions League ក្នុង​រយៈពេល​មិន​ដល់ ១០ ថ្ងៃ​ទៀត​ទេ ក្រោយ​ពី​បរាជ័យ​ក្នុង​ជើង​ទី​មួយ​នៅ​ប្រទេស​អេស្ប៉ាញ​ក្នុង​លទ្ធផល ៣-១ រួច​ហើយ​នោះ ហើយ​នៅ​ពេល​នេះ​ពួកគេ​អាច​ប្រឈម​នឹង​ការ​លេងដោយ​គ្មាន​តារា​ឆ្នើម​បំផុត​របស់​ពួក​គេ​។
    ទន្ទឹម​នឹង​នេះ​ដែរ ប្រេស៊ីល​នឹង​ត្រូវ​ធ្វើ​ការ​ប្រកួត​លក្ខណៈ​មិត្ត​ភាព​ចំនួន​ពីរ​ប្រកួត​ជាមួយ​នឹង​រុស្ស៊ី និង​អាល្លឺម៉ង់​នៅ​ចុង​ខែ​មីនា​នេះ នៅមុន​ការ​ប្រកួត World Cup ចាប់​ផ្តើម​នៅ​ខែ​មិថុនា​ខាង​មុខ​។

    Image result for Neymar 25/2/2018

    នៅ​មិន​ទាន់​ច្បាស់​នៅ​ឡើយ​ទេ​ថា​របួស​របស់​កីឡាករ​លេខ ១០ មាន​សភាព​ធ្ងន់​ធ្ងរ​ ប៉ុន្តែ​ផ្អែក​លើ​ប្រតិកម្ម​របស់ Neymar ជាមួយ​នឹង​ស្នាម​របួស​ក​ជើង​របស់​គាត់ កីឡាករ​វ័យ ២៥ ឆ្នាំ​រូបនេះ​អាច​ប្រឈម​នឹង​ការ​សម្រាក​ព្យាបាល​រយៈ​ពេល​យូរ​។
    Neymar ស៊ុត​បញ្ចូល​ទី​បាន ២៩ គ្រាប់​ក្នុង ៣០ ប្រកួត​ចាប់​តាំង​ពី​ផ្ទេរ​ក្នុង​តម្លៃ​ខ្លួន​ដ៏​ថ្លៃ​បំផុតពី Barcelona នៅ​រដូវ​ក្តៅ​។

    ដោយ៖ តារា

    ប្រភព :
    foxsportsasia
  • ភ្ជាប់ទំនាក់ទំនងជាមួយ Merl Plus
  • អត្ថបទថ្មី