កីឡាកររត់ប្រណាំងកំពូលល្បឿន Usain Bolt បានប្រកាសពីការចុះកិច្ចសន្យាលេងឲ្យក្លិបបាល់ទាត់មួយដែលរូបគេនឹងចូលរួមជាផ្លូវការនៅថ្ងៃទី២៧ កុម្ភៈ នេះ។ ម្ចាស់មេដាយមាសអូឡាំពិក៨សម័យដែលជាអ្នកគាំទ្រពេញទំហឹងរបស់ Manchester United និង ធ្លាប់ធ្វើតេស្ដនៅ Borussia Dortmund រំពឹងថា នឹងអាចចាប់ផ្ដើមអាជីពលើវាលស្មៅរបស់ខ្លួនបាន។
ក្រោយពីបានទស្សនាវីដេអូមួយបញ្ចេញដោយកំពូលអ្នករត់ប្រណាំងរូបនេះ គេរំពឹងថា Bolt ទំនងអាចចូលលេងឲ្យក្រុមណាមួយក្នុងចំណោម Man UTD, Dortmund, Arsenal, Real Madrid ឬក៏អាច Accrington Stanley។
ស្ដេចល្បឿនជនជាតិចាម៉ៃកា ធ្លាប់ប្រកាសចង់លេងឲ្យក្រុមបិសាចក្រហម ហើយថា គេអាចឈានដល់កម្រិតរបស់ Wayne Rooney ទៀតផង។
នៅវ័យ ៣១ ឆ្នាំ Bolt បានចូលនិវត្តន៍ពីកីឡារត់ប្រណាំង ក្រោយចប់យុទ្ធនាការ IAAF World Championship នៅក្រុងឡុងដ៍ ប្រទេសអង់គ្លេស ឆ្នាំ២០១៧៕
ដោយ៖ តារា
ប្រភព :
