Johor Darul Ta’zim បាត់បង់កីឡាករគន្លឺះទីពីរ បន្ទាប់ពីខ្សែប្រយុទ្ធអាហ្សង់ទីន Jorge Pereyra Diaz សម្រេចចិត្តចាកចេញពីក្លឹប។ ក្រោយពីមានការលាឈប់ដ៏គួរឲ្យភ្ញាក់ផ្អើលចំពោះមុខគ្រូបង្វឹក Ulisses Morais កាលពីថ្ងៃច័ន្ទ ក្រុមម្ចាស់ជើងឯកលីគកំពូលម៉ាឡេស៊ី ត្រូវដោះស្រាយបញ្ហានេះជាបន្ទាន់។
ក្លឹបបានបញ្ជាក់នៅលើទំព័រគណនី Facebook ថា អតីតខ្សែប្រយុទ្ធរបស់ Lanus និង Independiente បានចាកចេញពីសណ្ឋាគាររបស់ក្លឹបនៅសឹង្ហបុរីកាលពីយប់ថ្ងៃច័ន្ទ។ JDT ត្រូវបានកំណត់ពេលហោះទៅវៀតណាមនៅព្រឹកថ្ងៃអង្គារដើម្បីប្រកួត AFC Cup ជាមួយ Song Lam Nge An នៅថ្ងៃពុធស្អែកនេះ ។
ក្លឹបយក្សនៅម៉ាឡេស៊ីមួយនេះនឹងត្រូវពឹងផ្អែកលើគ្រូជំនួយលោក Luciano Figueroa ដើម្បីដឹកនាំការប្រកួតជាមួយក្រុមរបស់វៀតណាម។ Gonzalo Cabrera មិនទាន់ត្រូវបានចុះឈ្មោះសម្រាប់ AFC Cup នៅឡើយទេ។
ដោយ៖ តារា
