ទឹក​ដល់​ច្រមុះ​ Liverpool សុំទិញ​អ្នក​ចាំ​ទី​ Roma តែ​សាមី​ខ្លួន​…

7447

Liverpool ទី​បំផុត​សម្រេច​ស្វែង​រក​អ្នក​ចាំ​ទី​ថ្មី​នៅ​ខែ​មករា​នេះ​បើ​ទោះ​ជា​ពេល​វេលា​កាន់​តែ​ខើច​ទៅ​ហើយ​ក្ដី។

Alisson Becker

អ្នក​ចាត់​ការ​លោក Jurgen Klopp បាន​សម្លឹង​ឃើញ​អ្នក​ចាំ​ទី Alisson Becker​ របស់​ Roma ដែល​សក្ដិសម​ជា​ជម្រើស​ដំបូង​ និង​បាន​ដាក់​សំណើ​​ក្នុង​តម្លៃ​បិទ​ជិត​មួយ​​។ យ៉ាង​ណា​​ក្លឹប​ជើង​ខ្លាំង​អ៊ីតាលី​​បាន​បដិសេធ​ និង​កំណត់​តម្លៃ​៤៤​លាន​ផោន​លើ​អ្នក​ចាំ​ទី​ដៃ​ទី​មួយ​​ជម្រើស​ជាតិ​ប្រេស៊ីល​។​

ដោយ​ឡែក​សាមី​ខ្លួន​ក៏​មិន​បាន​បង្ហាញ​ចំណាប់​អារម្មណ៍​ទៅ​ Liverpool នៅ​ខែ​មករា​ដែរ​។ “ខ្ញុំ​រីករាយ​នៅ​ទីក្រុង​រ៉ូម។ អនាគត​របស់​ខ្ញុំ​គឺ​នៅ​ក្នុង​ដៃ​របស់​ព្រះ ប្រហែល​យើង​អាច​និយាយ​ពី​រឿង​ចាកចេញ​ម្ដង​ទៀត​នៅ​ខែ​មិថុនា​ តែ​ពេល​នេះ​គឺ​ខ្ញុំ​ខ្វល់ខ្វាយ និង​ផ្ដោត​អារម្មណ៍​​តែ​ជាមួយ​ Roma ប៉ុណ្ណោះ”។

​ហង្ស​ក្រហម​កំពុង​ប្រមាញ់​អ្នក​ចាំ​ទី​យ៉ាង​អន្ទះសា​បន្ទាប់​ពី​ Klopp អស់​ជំនឿ​លើ​អ្នក​ចាំ​ទី​ទាំង​ពីរ​មាន​ Simon Mignolet និង​ Loris Karius ព្រោះ​តែ​ពួកគេ​ធ្វើ​​ខូច​បាល់​ច្រើន​​ពេក​នៅ​ប្រកួត​កន្លងមក៕

 

ប្រភព៖ Dailymail ប្រែសម្រួល៖ វីរ័ត្ន

ភ្ជាប់ទំនាក់ទំនងជាមួយ Merl Plus
  • អត្ថបទថ្មី