រាល់ដងពួកយើងតែងតែលើកមកនិយាយតែពីកីឡាករបាល់ទាត់ ឬក៏គ្រូបង្វឹកដែលទទួលបានប្រាក់ខែខ្ពស់បំផុតនៅក្នុងពិភពបាល់ទាត់ ប៉ុន្តែថ្ងៃនេះ MerlPlus នឹងនាំប្រិយមិត្តទៅស្គាល់កីឡាករដែលមានប្រាក់ខែតិចតួចបំផុតនៅលីគកំពូលអង់គ្លេសវិញម្ដង។
ក្របខ័ណ្ឌកំពូលរបស់អង់គ្លេស ឬក៏គេស្គាល់ថាជា Premier League គឺជាលីគបាល់ទាត់ធំបំផុតនៅលើពិភពលោកនេះ ដោយប្រមូលផ្ដុំទៅដោយក្លឹបល្បីៗ និងសម្បូរធនធានបំផុត ដូច្នេះវាមិនមែនជារឿងចម្លែកទេ ដែលកីឡាកររកបានប្រាក់យ៉ាងច្រើនក្រាស់ក្រែលនៅនោះ។
ជាក់ស្ដែងដូចជា កំពូលខ្សែបម្រើ Kevin De Bruyne គឺជាកីឡាករដែលមានប្រាក់ឈ្នួលខ្ពស់បំផុតនៅក្នុងបាល់ទាត់អង់គ្លេស ដោយរកបានប្រមាណ ៤០០,០០០ផោនក្នុងមួយសប្តាហ៍ ឬប្រមាណ ១.៦លានផោនក្នុងមួយខែ ដោយគិតមួយឆ្នាំទទួលបានប្រហែល ១៩.២លានផោន ខណៈដែលកំពូលខ្សែប្រយុទ្ធ Mohamed Salah របស់ក្លិប Liverpool ឈរនៅលេខ២ ដោយទទួលបាន ៣៥០,០០០ផោនក្នុងមួយអាទិត្យ។
ទោះយ៉ាងណាក៏ដោយ មិនមែនគ្រប់កីឡាករសុទ្ធតែរកបានច្រើនបែបនេះនោះទេ។ បើយោងតាមរបាយការណ៍ពី Sports Khabri ដោយប្រើទិន្នន័យពី Capology បានចងក្រងកីឡាករចំនួន ១០នាក់ក្នុងក្របខ័ណ្ឌ Premier League ដែលមានប្រាក់ខែទាបបំផុតនៅរដូវកាល២០២៣/២០២៤នេះ។ តោះចង់ដឹងថា មានកីឡាករណាខ្លះនោះ ទៅតាមដានជាមួយ MerlPlus ទាំងអស់គ្នា៖
១០. កីឡាករ Max Lowe លេងនៅក្លិប Sheffield United ដោយរកបានត្រឹមតែ ១០,០០០ផោននៅក្នុងមួយសប្ដាហ៍ ឬ ១ខែរកបានតែ ៤០,០០០ផោនប៉ុណ្ណោះ
៩. កីឡាករ Tommy Doyle លេងនៅក្លិប Wolverhampton Wanderers ដោយរកបានត្រឹមតែ ១០,០០០ផោននៅក្នុងមួយសប្ដាហ៍ ឬ ១ខែរកបានតែ ៤០,០០០ផោនប៉ុណ្ណោះ
៨. កីឡាករ George Baldock លេងនៅក្លិប Sheffield United ដោយរកបានត្រឹមតែ ១០,០០០ផោននៅក្នុងមួយសប្ដាហ៍ ឬ ១ខែរកបានតែ ៤០,០០០ផោនប៉ុណ្ណោះ
៧. អ្នកចាំទី Loris Karius លេងនៅក្លិប Newcastle United ដោយរកបានត្រឹមតែ ១០,០០០ផោននៅក្នុងមួយសប្ដាហ៍ ឬ ១ខែរកបានតែ ៤០,០០០ផោនប៉ុណ្ណោះ
៦. កីឡាករ Kortney Hause លេងនៅក្លិប Aston Villa ដោយរកបានត្រឹមតែ ៨,០៧៧ផោននៅក្នុងមួយសប្ដាហ៍ ឬ ១ខែរកបានតែ ៣២,៣០៨ផោនប៉ុណ្ណោះ
៥. កីឡាករ Pelly Ruddock Mpanzu លេងនៅក្លិប Luton Town ដោយរកបានត្រឹមតែ ៧,៥០០ផោននៅក្នុងមួយសប្ដាហ៍ ឬ ១ខែរកបានតែ ៣០,០០០ផោនប៉ុណ្ណោះ
៤. អ្នកចាំទី James Shea លេងនៅក្លិប Luton Town ដោយរកបានត្រឹមតែ ៧,៥០០ផោននៅក្នុងមួយសប្ដាហ៍ ឬ ១ខែរកបានតែ ៣០,០០០ផោនប៉ុណ្ណោះ
៣. កីឡាករ Jordan Clark លេងនៅក្លិប Luton Town ដោយរកបានត្រឹមតែ ៥,០០០ផោននៅក្នុងមួយសប្ដាហ៍ ឬ ១ខែរកបានតែ ២០,០០០ផោនប៉ុណ្ណោះ
២. កីឡាករ Rhys Norrington-Davies លេងនៅក្លិប Sheffield United ដោយរកបានត្រឹមតែ ៤,០០០ផោននៅក្នុងមួយសប្ដាហ៍ ឬ ១ខែរកបានតែ ១៦,០០០ផោនប៉ុណ្ណោះ
១. កីឡាករ Alex Mighten លេងនៅក្លិប Nottingham Forest ដោយរកបានត្រឹមតែ ៣,៤៦២ផោននៅក្នុងមួយសប្ដាហ៍ ឬ ១ខែរកបានតែ ១៣,៨៤៨ផោនប៉ុណ្ណោះ ដោយ៖ តារា